Novas do Lesende C.F.

Lavacolla e Lesende mediranse na primeira xornada de Segunda

2008-08-20T10:17:00.001+02:00

O luns tivo lugar o sorteo dos calendarios da Segunda e Terceira Autonómica. As ligas comezarán o 7 de setembro e en Segunda, no grupo cuarto, na xornada inicial haberá un choque comarcal, o que disputarán o Lampón e o Abanqueiro. Nesta competición, o campión de liga ascenderá automaticamente a Primeira, mentres que os catro últimos baixarán a Terceira. Con todo, pódense incrementar pola fervenza de movementos nas categorías superiores.

A primeira xornada quedou da seguinte forma: Lavacolla-Lesende Concello de Lousame; Lampón-Abanqueiro; Porto do Son-Escravitude; Zona Vella-Cordeiro; Conxo-Velacruz: Dodro-Taragoña; Crocha-Bastavales; Oleiros-Cidade de Santiago B; e Agrón-Belvís.

Estrean categoría os conxuntos do Lesende, Zona Vella, Velacruz, Dodro e A Crocha.

Veracruz e Zona Vella, novidades en Segunda de Barbanza

2008-07-01T13:39:00.001+02:00

Dúas serán as novidades que presentará o grupo cuarto de Segunda Autonómica para a próxima tempada, segundo a proposta que levarán os reitores da delegación compostelá da Federación Galega de fútbol ao plenillo zonal, que está convocado para as 20.30 horas de hoxe nas instalacións do Hotel Congreso, situado no municipio de Teo. Segundo esta proposta, que seguramente será aprobada, dous equipos de Santiago formarán no grupo barbancés: o Veracruz e o Zona Vella.

Xunto a estes dous novos colectivos estarán outros dezaseis conxuntos, dos cales sete son da área barbancesa: os ascendidos Crocha e Lesende-Lousame, Taragoña, Abanqueiro, Atlético Oleiros, Porto do Son e Sporting Lampón. Os demais son: Lavacolla, Agrón, Escravitude, Conxo, Cordeiro, Belvís, Bastavales, Cidade de Santiago B (descendido) e Dodro.

O campión dará o salto á Primeira Autonómica e os catro últimos caerán no pozo de Terceira, onde poderían ser arrastrados outros segundo cóllaos ou non a fervenza.

La Voz de Galicia

Néstor Romero Agra é o novo adestrador do Lesende

2008-06-25T20:26:00.001+02:00

Néstor Romero Agra é o novo adestrador do Lesende

Todo apuntaba a que os clubs da comarca de Segunda Autonómica manterían maioritariamente nos seus bancos aos adestradores da pasada tempada. Con todo, o Lesende e o Sporting Lampón romperon a dinámica prevista.

O club do municipio de Lousame prescindiu dos servizos de Alfonso Balderrábano Mayo, que conduciu o cadro lesendista ao ascenso, para contratar a Néstor Romero Agra.

O técnico do conxunto cadete lousamiano anunciou que este ano deixará a actividade futbolística no Noia, debido a unha lesión crónica nun xeonllo, e que se fará cargo do persoal sénior lousamiana.

Manuel Pouso, presidente do Lesende, doutra parte, informou que o venres (21.30 horas) celebrarase unha asemblea extraordinaria para decidir un cambio de dirixentes ou para ratificar aos existentes. O primeiro directivo indicou que a súa continuidade dependerá de que se acepten certas condicións que esixe. Tamén informou de que o lateral e central Miguel Maroñas pediu a baixa para fichar polo Noia. O xogador chegou ao Lesende tras pasar polos xuvenís do Atlético Ribeira.

La Voz de galicia

Subcampionato de Copa do Sar

2008-06-24T23:10:00.003+02:00

Non puido ser e o Lesende cadete non puido levanta-la copa de campión da Copa do Sar, logo de caer derrotado en Santa Isabel por 2 goles a 0 diante do Aguiño B. Como era de esperar a gran maioría dos xogadores do conxunto rival pertencían ó Aguiño A, recente campión da Liga Gallega e que xogará a vindeira campaña na División de Honra.
Os goles resultaron psicolóxicos, pois o primeiro veu dun centrochut dende a banda dereita que sorprendeu adiantado a Álex e o segundo veu tras un saque de esquina a piques de chegarse ó descanso. A entrada de Ramón na portería lousamiana na segunda metade pareceu dar tranquilidade ós lesendistas que, sen embargo, non foron capaces de concretar ningunha ocasión clara de gol para recortar distancias.

Este sábado, a gran final en Santiago

2008-06-18T14:47:00.000+02:00

A Copa do Sar de cadetes será para un equipo da comarca

Xuventude Aguiño B e Lesende pelexarán polo cordón o sábado en Santiago

O campión da Copa do Sar cadete será da zona, pois a final protagonizarana o Xuventude Aguiño B e o Lesende. Tal como estaba previsto, os dous elencos superaron ao Ortoño e ao Calo nos dous envites das semifinais, respectivamente. O partido decisivo celebrarase o vindeiro sábado en Santiago e xogarase no campo de Santa Isabel, a partir das sete da tarde.

O cadro aguiñense, que tiña unha vantaxe de 4-2 da ida, non deu nin a máis mínima opción ao seu opoñente no recinto da Tasca, ante uns 100 espectadores, onde despediu ao Ortoño cun set (6-0). Antes do descanso, José Ángel , Viturro (2) e Ángel sentenciaron a eliminatoria. Despois, Viturro e Rubén completaron a goleada. Xuventude Aguiño: Chile; Crujeiras (Ander, min 50), Iago, Mario, Jiti, José Ángel , Dani, Ángel (Rubén, min 55), Adrián , Pardavila (Santi, min 60) e Viturro.

Dirixiu o partido Martínez Millán (delegación de Boiro). Sen ningún problema.

Cunha renda de 3-0 acudiu o Lesende ao terreo do Calo. O conxunto local saíu a cen. Empuxou aos de Néstor contra a súa parcela e someteunos a un acoso e derriba que obtivo o seu froito aos dez minutos (1-0). Pero cando o partido camiñaba cara ao descanso, Borja asestou un golpe baixo aos de Teo co 1-1 (min 35).

Intermedio

Despois do intermedio, os anfitrións volveron envorcarse. Os de Lousame souberon rendibiliza os espazos que deixaron ás súas costas e Adrián (min 45) rebentou o partido. O mesmo Adrián volvería estirar o marcador ata o 1-4 fronte un opoñente que xa baixara os brazos. Jorge selou o marcador co definitivo 5-1.

Lesende:

Álex (Ramón, min 30); Carlos, Julio , Xandre, Brais, Sergio, Oliver, Borja (Jesús, min 50), Trillo (o infantil Iván, min 67), Jorge e Adrián (o infantil Chicho, min 65).

O Concello de Lousame xa anunciou que porá un autobús a disposición dos afeccionados ou afeccionadas interesados e interesadas en acompañar ao equipo a Santiago. Aínda que para iso deberán anotarse ata o venres na oficina de deportes do Concello ou ben chamando aos teléfonos 981 820 494 e 620 859 345.

Tamén os aguiñenses porán un autobús para desprazarse ao recinto de Santa Isabel e apoiar ao seu elenco. Os interesados en viaxar poden apuntarse nas instalacións do campo da Tasca, desde onde partirá o vehículo o vindeiro sábado, a partir das 17.15 horas.

O Lesende cadete na final da Copa do Sar

2008-06-16T14:27:00.003+02:00

La Voz de Galicia, 30/04/08

2008-04-30T07:15:00.001+02:00

O Lesende logra o ansiado ascenso tras vencer ao Bealo na Lomba

Un gol de Hugo aos 20 minutos deu os tres puntos aos de Lousame nun campo cun cheo absoluto

O Lesende acompañará a próxima tempada ao Crocha na súa travesía pola Segunda, logo de vencer pola mínima (0-1) no feudo do Galicia de Bealo. Un gol de falta directa lanzada desde un lateral por Hugo serviu aos de Fonsi para lograr o ansiado ascenso.

O choque, disputado na Lomba, que rexistrou un cheo absoluto, seguiu o guión establecido por ambos os contendentes. Os locais, sabedores de que o empate lles valía para subir, saíron a contemporizar o xogo e a aproveitar os ocos que puidesen deixar os lousamianos en defensa. Pero todo veu abaixo aos vinte minutos de xogo. Hugo saca unha falta desde un lateral e o balón entra axustado ao segundo pau da meta defendida por Roberto sen que ninguén chegase a tocar o esférico.

A partir de aquí, os de Boiro cambiaron o chip. A posesión do coiro pasou a ser do Bealo, que empezou a merodear a portería defendida por un Juan Manuel, que resultou vital no partido, xa que salvou tres man a man ante os dianteiros locais.

Balóns ao área

Os boirenses atacaban máis co corazón que coa cabeza. Os xogadores do Bealo limitábanse a abusar dos balóns aéreos para ver se Raúl e Edu conseguían equilibrar o choque, pero a defensa visitante defendíase con orde.É máis, os dianteiros do Lesende tiveron dous contragolpes moi claros no segundo tempo para finiquitar o partido, pero Alberto Rial de forma incomprensible non os aproveitou. No primeiro, o coiro saíu por encima da portería logo de driblar ao cérbero. No segundo, e tras romper o fóra de xogo, plantouse diante de Roberto e a súa vaselina saíu desviada. Ao final, o Lesende mantivo a súa vantaxe no marcador.

Galicia de Bealo: Roberto, Mauri, José, Beni, Joni, Roberto, Juan Ramón, Sergio García, Sergio Vidal, Edu e Raúl. Tamén xogaron Carolo, Óscar e Machada.

Lesende: Juan Manuel, Chicho, Pana, Roberto, Juanma, Bernabé, Felipe , Julio Lago, Alberto Rial, Hugo e Fran. Tamén xogaron Ángel , Álex, Jorge e Miguel.

Estadísticas da tempada

2008-04-28T22:25:00.002+02:00

-Dos 17 partidos da primeira volta o Lesende gañou 11, empatou 3 e perdeu 2, para un total de 36 ptos. 37 goles a favor e 13 en contra.
-Dos 17 partidos da segunda volta o Lesende gañou 11, empatou 4 e perdeu 1, para un total de 37 ptos. 41 goles a favor e 16 en contra.

2 voltas moi idénticas; isto é unha proba da regularidade do equipo

Os goleadores foron os seguintes.

-Alberto Rial --> 23 goles
-Julio --> 18 goles(2 de penalti)
-Fran e Hugo --> 7 goles
-Jorge --> 6 goles
-Ángel --> 3 goles(1 de penalti)
-Bernabé, Campos e Chicho --> 2 goles
-Juanma, A. Teira, Miguel, Adrián, Rober e Álex --> 1 gol
-En propia porta --> 2 goles

Na Copa do Sar, polo momento:

2 partidos, 2 victorias

5 goles a favor (2 de Alberto Rial, 2 de Jorge e 1 de E. Teira), 0 goles en contra

Clasificación final da Liga de Terceira Autonómica

2008-04-28T21:00:00.002+02:00

Ó final rematamos como equipo menos goleado. Adeus Terceira!!!

6 anos despois...

2008-04-28T08:43:00.002+02:00

6 anos despois, e novamente en plenas festas de San Marcos, o Lesende C.F. volve a acadar o ascenso á Segunda Autonómica.

A pesares de xogar fóra da casa, contra un rival que xa superaba os 100 goles a favor, de non poder contar co adestrador por motivos laborais e de atoparnos nunha fin de semana de festas, O equipo botoulle ó que lle había que botar e sacou adiante o partido con moito esforzo e con moita seriedade defensiva.

Un solitario gol de Hugo no minuto 20, tras un saque de falta que ninguén chegou a tocar e que se colou mansamente na portería local, serviu para lograr a victoria que nos devolve 2 anos despois á categoría que nunca debemos de abandonar.

Sen esquecernos de ningún dos 19 xogadores que onte estaban en condicións de xogar (aínda que só puideron ser 16 os convocados), a gran protagonista do partido foi a defensa lesendista comandada por un impresionante Juan Manuel, co que de seguro os dianteiros bealistas tiveron pesadelos esta noite.

E agora a disfrutar ca Copa do Sar.

O Bealo e o Lesende disputaranse a outra praza de ascenso a Segunda

2008-04-24T13:40:00.001+02:00

Este fin de semana finalizará a tempada en Terceira Autonómica cun auténtico prato forte: o choque entre o Galicia Bealo e o Lesende na Lomba. En xogo está a outra praza de ascenso a Segunda e acompañar así ao Crocha, que xa conseguiu o seu obxectivo fai dúas xornadas.

A situación actual é a seguinte. O Bealo totaliza 73 puntos, tres máis que os lousamianos. No partido de ida, disputado en Cabanetán, o resultado foi de 1 a 0 a favor do Lesende, polo que, en caso de vitoria foránea, serían os de Lousame os que subirían. Calquera outro resultado favorecería ao conxunto boirense.

Á última xornada ligueira chegan ambos os contendentes logo de cultivar sendas vitorias contundentes. O Lesende desfíxose (5-0) do Unión B, mentres que o Bealo noqueou ao Artes (2-8) en Trumiáns.

Paco Ribadulla, directivo do Galicia Bealo, comentou que o partido é clave para ambos os contendentes, «pero o Lesende terá que arriscar máis porque só lle vale o triunfo». Ribadulla prognostica que o choque do domingo vai ser moi igualado e que se pode decidir nunha xenialidade dun xogador ou unha xogada illada a balón parado. Para o directivo é moi importante conseguir o ascenso logo de perder a categoría fai agora un ano. «Queremos subir coa intención de manternos en Segunda e quitar, dunha vez por todas, o cartel de equipo ascensor», sentenciou.

Pola súa banda, o xogador do Lesende Juan Manuel Villaverde mostrouse moi optimista con respecto a este transcendental partido. «Imos coa idea de levarnos os tres puntos e conseguir algo que sería moi bonito para nós. Sabemos que será difícil pero xa lles gañamos na ida e podemos repetir», sinalou.

http://www.lavozdegalicia.es/barbanza/2008/04/24/0003_6760241.htm?idioma=galego

2 equipos para un posto

2008-04-22T00:02:00.005+02:00

Non pinchou o Bealo e a contundente victoria do Puebla non lle serve para ter opcións na derradeira xornada, na que a segunda praza decidirase no campo da Lomba o vindeiro domingo, ás 5 da tarde.

Lesende - Unión B.

2008-04-19T21:26:00.005+02:00

O Lesende C.F. despideu a temporada como local con unha gran victoria por 5 goles a 0 diante do Unión B.

Nunha tarde de bastante choiva o Lesende púxose axiña por diante do marcador, pois ós 4 minutos xa vencía por 2-0, tras sendos golazos: o primeiro de Hugo con un potente disparo desde uns 30 metros e o segundo de Julio tras unha preciosa xogada entre el e Fran.

O terceiro e cuarto goles tamén chegarían antes do descanso, anotados por Alberto Rial: o primeiro ó rematar no segundo pau un centro ó que non chegou Fran por pouco e o segundo de libre directo ó que o porteiro só lle puido facer a estatua.

O quinto e definitivo anotaríao Jorge, que entrara no descanso, mediada a segunda metade apoveitando unha perfecta asistencia de Pana.

Neste partido reapareceron Juan Manuel, logo de cumplir os tres meses de sanción, e Ángel, recuperado da súa lesión no xeonllo.

O vindeiro domingo partido a vida ou morte en Bealo.

Fin de Liga para infantiles e xuveniles

2008-04-19T21:19:00.003+02:00

TERCEIRA AUTONÓMICA

XUVENILES

INFANTILES

Non puido ser e os infantiles non acadaron a permanencia na primeira autonómica. Espectacular a remontada do Compostela que sacou adiante partidos contra os primeiros clasificados. Algo tivo que pasar ahi para un cambio tan grande.

Os xuveniles despiden a temporada con unha victoria na casa.

Cures -Lesende

2008-04-13T20:39:00.003+02:00

Con moitas dificultades sacou adiante o Lesende o seu partido en Cures, ó que derrotou por 1 gol a 3. As previsións non eran nada optimistas posto que con Juan Manuel aínda sancionado, con Alberto Tubío desaparecido, con Siso lesionado e co porteiro cadete Ramón sen poder asistir ó partido por diferentes motivos (que non vamos entrar a comentar pero que deixan en mal lugar a algunha que outra persoa), tivo que ser o dianteiro Alberto Rial o que se puxera baixo os paus os 90 minutos.

Ós 10 minutos, unha boa xogada trenzada acabou con un pase a Álex, o cal, tras regatear ó porteiro, anotou ca zurda e con suspense. Sen embargo e a pesares de xogar con vantaxe no marcador, o Lesende practicamente desapareceu do partido, pasando o a ser o dominio do Cures, sobre todo tra-lo descanso.

Nada máis iniciarse a segunda metade, Alberto Rial sacou incriblemente co pé un balón que xa se cantaba gol. O dominio continuaba a ser local e o Lesende non atopaba forma de sacar o balón xogado con claridade. Pero na metade do segundo tempo Hugo, tras unha gran xogada individual puxo o 0-2 no marcador, que semellaba ser o da tranquilidade. Sen embargo o Cures non renunciou ó ataque e continuaba volcándose cara a portería lesendista, e froito diso acortaron distancias tras un corner.

Pero pouco lles durou a alegría pois Jorge, que levaba 5 minutos no campo e reaparecía tras case 3 meses, culminou un contrataque aproveitando un pase de Julio para colocar preto da escadra dereita da portería rival o balón que significou o 1-3 definitivo.

O vindeiro partido este sábado en Cabanetán diante do Unión B.

Clasificacións

2008-04-07T20:48:00.003+02:00

TERCEIRA AUTONÓMICA

XUVENILES

INFANTILES

O Crocha xa é novo equipo de Segunda Rexional, pois leva 9 puntos de vantaxe cos 2 seguintes clasificados a falta de 3 partidos por xogarse e ten o golaveraxe favorable en ambos casos. Isto supón que soamente queda 1 plaza de ascenso, pola que loitan 3 equipos: O Galicia Bealo, O Lesende e o Puebla. Mentres que os 2 primeiros dependen de si mesmos para lograr o ascenso(3 victorias de calquera deles garanten o segundo posto), o Puebla precisa vencer os seus partidos e agardar que os 2 equipos que o preceden pinchen.

Se, como é lóxico, o Bealo saca adiante o partido que ten suspendido(gañando 1-2 e con superioridade numérica) e nen o Portosín nen o Artes(próximos rivais) son capaces de arrancar algún punto nos seus enfrontamentos, todo se decidirá na derradeira xornada, que nos depara un apaixoante Bealo - Lesende. Isto tendo en conta que o Lesende venza nos 2 vindeiros partidos, o que suporía chegar a Bealo cunha desvantaxe de 3 puntos.

O Puebla ten por diante 2 partidos doados(Queiruga e Nebra) e na derradeira xornada recibe ó Aguiño. A lóxica di que sacará os 9 puntos. Se o Bealo vence nos 2 próximos partidos e máis no que ten pendente, o Puebla chegaría á derradeira xornada a 4 puntos e sen opcións.

Resumindo, as únicas opcións do Lesende pasan por vencer o domingo no sempre difícil campo do Cures, derrotar ó Unión B. na casa na penúltima xornada e gañarlle ó Bealo a domicilio na xornada que pechará o campionato.

Cambiando de categoría, os infantiles están con pé e medio na segunda autonómica despois da sorprendente victoria(non queremos pensar mal) do Compostela no campo do segundo clasificado. Necesitaría derrotar ó Silleda a domicilio e que o Compostela perdera o seu partido, posto que os separan 3 puntos pero o golaveraxe é favorable ó conxunto lesendista.

Lesende - Puebla

2008-04-06T19:12:00.002+02:00

Co empate inicial rematou un dos 2 partidos claves desta xornada, o que enfrontou en Cabanetán(con moi boa entrada) ó Lesende e ó Puebla. Dada a importancia do partido a Federación enviou 2 xuíces de liña.

O partido discurría con normalidade, cos 2 equipos respetándose mutuamente e con poucas ocasións de gol. A máis clara da primeira metade foi do Lesende, con un remate de cabeza de Alberto Rial que sacou o porteiro e o balón foise a corner logo de bater no longueiro. Pero no minuto 40 o árbitro encargouse de cambia-las cousas tras expulsar rigurosamente a Villa por doble cartón amarelo cando soamente cometera 2 faltas en todo o encontro. Neses intres o Lesende cometera 6 faltas e recibira 4 tarxetas, cousa que non sucedía co equipo rival.

A partires da expulsión o Puebla tomou o mando do partido e estivo a piques de poñe-lo 0-1 con un remate que sacou Berna baixo paus. Sen embargo, e pese a xogar en superioridade durante máis de 50 minutos, esa foi a única ocasión clara do Puebla en todo o partido. O Lesende pouco a pouco foise asentando no campo e sacando bos contragolpes. Un deles puido cambia-lo resultado final pois Julio foi derribado dentro da área cando se ía só cara a porta. Sen embargo nen o xuíz de liña nen o árbitro quixeron saber nada e sinalaron falta ó borde da área. E a pesares de ser unha ocasión de gol tampouco sacaron cartón amarelo ó defensa pueblista, o que suporía o segundo e, por tanto, expulsión.

Cabe destacar o bo partido da defensa lesendista tra-la expulsión, en especial de Berna e Rober e do porteiro cadete Ramón, moi seguro durante todo o encontro. Tamén destacar o bo partido de Felipe que reaparecía tras varios partidos e que dou equilibrio no centro do campo nos 40 minutos que xogou na segunda metade.

Se é certo o que se comentaba ó final do encontro de que o Crocha vencera no seu duelo contra o Bealo, esto supón que o Lesende depende exclusivamente de si mesmo para acada-lo ascenso, sempre e cando venza nos 3 partidos que restan.

Clasificacións

2008-03-31T13:52:00.006+02:00

TERCEIRA AUTONÓMICA

INFANTILES

XUVENILES

As cousas seguen igual na cabeza da táboa, ó venceren onte os 4 primeiros clasificados. O Crocha está virtualmente ascendido e na vindeira xornada un dos outros tres equipos pode quedar descartado para o ascenso. Esperemos que ese equipo sexa o Puebla.

No tocante ós infantiles, están practicamente descendidos pois necesitarían puntuar nalgún dos 2 partidos restantes e que o Compostela non o faga.

Olveira - Lesende

2008-03-30T19:39:00.004+02:00

Con un resultado de 1-4 solventou o Lesende a súa visita ó campo do Olveira. Pese ó que poida parecer polo resultado, non foi un partido doado pois o conxunto local adiantouse cedo no marcador ó transformar un penalti cometido por Juanma. O Lesende non chegaba con claridade á meta rival e cometía numerosas imprecisións nos pases. Sen embargo as cousas comezaron a cambiar no borde do descanso gracias á expulsión dun xogador local por derribar a Alberto cando se iba só cara a porta. Pouco despois Julio lanzou fóra un penalti sinalado por unhas mans na área.

Non pintaban ben as cousas,sen embargo na segunda metade o Lesende saiu máis enchufado e doulle a volta ó marcador gracias a 2 goles de Alberto Rial. Rober anotou o terceiro de cabeza á saída dun corner e Fran cerrou a conta goleadora ó empuxar a placer un pase da morte de Julio.

A destacar o debut na portería de Ramón, porteiro do equipo cadete, o que supón o noveno porteiro diferente nesta tempada(o citado Ramón, os porteiros do equipo xuvenil Manuel e Tono, Juan Manuel, Alberto Tubío, Siso, Rober, Jorge e Alberto Rial)

Resolución do Bealo - Unión B.

2008-03-25T22:29:00.004+01:00

Nada cambia na clasificación

Clasificacións

2008-03-24T22:35:00.003+01:00

TERCEIRA AUTONÓMICA

XUVENILES

INFANTILES

Á espera de saber que aconteceu no partido do Bealo, os outros 2 equipos que loitan polo ascenso (aparte do Lesende) sacaron adiante os seus partidos, ó parecer non con moita comodidade vistos os resultados apretados.

Os xuveniles aproveitaron a visita á casa do colista para golear con facilidade e os infantiles sumaron 4 puntos moi importantes nos 2 partidos xogados esta semana: derrotaron ó Silleda por 5-2 e empataron a un gol co Abanqueiro. Na vindeira xornada teñen un partido a vida ou morte na casa do Boiro.

Lesende - Baroña

2008-03-23T21:30:00.002+01:00

Nu partido moi malo e con moitas imprecisións o Lesende impúxose na casa ó Baroña por dous goles a cero. O primeiro gol tardou en chegar ata moi avanzado o primeiro tempo gracias a un penalti(que supuxo a expulsión do porteiro visitante) anotado por Alberto Rial. O segundo conseguiríao Julio mediada a segunda metade.

Avanzamos na Copa

2008-03-20T20:03:00.004+01:00

Logo de impoñerse esta tarde no campo do Luou por 0-2 o Lesende avanza outra ronda na Copa do Sar, cousa que non se producía dende hai varios anos. Cun equipo plagado de xente que non soe xogar habitualmente e con varios xuveniles(porteiro incluido) na aliñación chegouse ó descanso co empate inicial.

No saque de centro da segunda, Alberto Rial anotou de lanzamento directo dende o punto central, gracias en parte ó exceso de confianza do porteiro local. Eduardo Teira que, por motivos laborais, tivo que deixar o equipo a principios de temporada anotou o 0-2 definitivo a pouco para o final.

Alberto Rial xogou os últimos 15 minutos de porteiro e incluso chegou a parar un penalti.

Clasificacións

2008-03-17T22:25:00.003+01:00

TERCEIRA AUTONÓMICA

XUVENILES

INFANTILES

Xuventú Aguiño - Lesende

2008-03-16T22:05:00.003+01:00

Novo pinchazo contra o Aguiño e novos 2 puntos que se perden no camiño. O partido de hoxe rematou cun empate a un gol que practicamente non serve de nada. Adiantaronse os locais ós 15 minutos con un tiro dende fora da área que botou mal xusto cando Siso estaba a piques de deter o esférico. Ós 15 da segunda Julio acadou o empate. Un partido máis os dianteiros lesendistas non estiveron acertados diante da portería contraria pois entre Hugo, Alberto e Julio fallaron ata 5 man a man contra o porteiro do Aguiño.

Clasificacións

2008-03-11T14:19:00.004+01:00

TERCEIRA AUTONÓMICA

XUVENILES

CADETES(ASI REMATA A LIGA)

INFANTILES

Dependendo de como se den os resultados, na vindeira xornada podemos poñernos a 2 puntos do primeiro posto, pero todo pasa por vencer en Aguiño. Da mesma forma, a salvación dos infantiles pasa por vencer ó Compostela a domicilio, cousa que serviría para subir un posto na clasificación en non descolgarse do Conxo B e Santiago B, que non deberían de ter problemas para vencer nos seus encontros.

Os resultados volven a acompañar

2008-03-10T22:57:00.003+01:00

Ca victoria de onte (4-0) e grazas ós pinchazos do Puebla en Cabo de Cruz (3-1) e do Bealo en Cruído (2-2), as cousas igualanse na cabeza e volvemos a estar a só 2 puntos das plazas de ascenso.
O partido contra o Nebra non tivo historia. Os nebristas resistiron durante 20 minutos ata que Alberto Rial abreu o marcador de semichilena dende o borde da área, rematando un bo centro de Eloy. O mesmo Alberto Rial, ó aproveitar varios barullos na área, anotou outros 3 goles máis antes de chegar ó descanso. Na segunda metade o marcador non se moveu.

Na vindeira xornada temos unha moi complicada saída ó campo do Xuventude Aguiño. Unha hipotética victoria serviría para recortar alomenos 2 puntos máis con algún dos equipos da cabeza, xa que o Crocha e o Puebla enfrontanse entre si e o Bealo recibe ó Xuño.

Debido a problemas co servidor, non é posible subir as clasificacións hoxe. A ver se mañan hai máis sorte.

Título e ascenso para o equipo cadete do Lesende/Lousame

2008-03-07T14:00:00.002+01:00

Título e ascenso para o equipo cadete do Lesende/Lousame

Tras endosar un espectacular 8-0 ao Boiro na penúltima xornada, o Lesende/Lousame proclamouse campión do grupo barbancés de fútbol cadete e á vez conseguiu o ascenso á Primeira Autonómica da categoría, na que militará a próxima tempada.

Conducido por Néstor Romero , o cadro lesendista, a falta dun partido, leva contabilizados 87 goles a favor e 7 en contra. O técnico conta cun persoal formado polos metas Ramón Piso e Alejandro Pouso; os defensas Brais Blanco , Carlos Romero , Brais Martínez, Alexandre López, Julio Sueiro, os centrocampistas Óliver Fernández, Rubén Trillo, Borja Somoza, Jesús Martínez e Sergio Gallardo, e os dianteiros Jorge Froján e Adrián Sueiro.

La Voz de Galicia

Mal fin de semana

2008-03-03T22:28:00.003+01:00

TERCEIRA AUTONÓMICA

XUVENILES

CADETES

INFANTILES

Mal fin der semana para o equipo senior lesendista. O sábado recibiu un novo gol na disputa dos 8 minutos que quedaban do partido en Xuño, co que o resultado definitivo queda en 4-2. E o domingo quedaron 2 puntos no camiño tras empatar a 2 no campo do Queiruga. A pesares de chegar ó descanso con un 0-1 favorable(gran gol de Alberto Rial desde fora da área) e de acada-lo 0-2 ós 10 minutos da reanudación por medio de Julio, o Lesende non foi quen de manter esa renta de dous goles e acabou por ceder un empate tras 2 erros defensivos que foron aproveitados polo dianteiro centro do equipo local. Aparte dos 2 goles o Queiruga só dispuxo de outra ocasión máis, mentres que o Lesende tivo varias claras, tanto de Julio como de Fran ou Alberto. Unha pena eses 2 puntos que poden ser moi necesarios ó final da temporada.

No tocante á categorías inferiores unha de cal e outra de area. Os infantiles perderon pola mínimano campo do Conxo B e practicamente din adeus á categoría. Sen embargo os cadetes acadaron o título de Liga e o correspondente ascenso tras vapulear ó Boiro B en Cabanetán.
Os xuveniles descansaron.

Calendario do mes de Marzo

2008-02-29T14:25:00.005+01:00

01/03/08

XUÑO SD

LESENDE C.F. C. LOUSAME

(suspendido no minuto 81 co resultado de 3-2)

Xornada 26 - 02/03/2008

U.D.QUEIRUGA

LESENDE C.F. C. LOUSAME

Xornada 27 - 09/03/2008

LESENDE C.F. C. LOUSAME

NEBRA C.F.

Xornada 28 - 16/03/2008

S.D. XUVENTU AGUIÑO

LESENDE C.F. C. LOUSAME

COPA DO SAR - 20/03/08

LUOU

LESENDE C.F. C. LOUSAME

Xornada 29 - 23/03/2008

LESENDE C.F. C. LOUSAME

BAROÑA, C.F.

Xornada 30 - 30/03/2008

OLVEIRA C.F.

LESENDE C.F. C. LOUSAME

Sorpresas na cabeza da clasificación

2008-02-25T13:45:00.004+01:00

TERCEIRA AUTONÓMICA

CADETES

INFANTILES

A xornada de onte, na que o Lesende descansaba, resultou bastante favorable xa que 2 dos 3 equipos da cabeza pincharon. O líder Bealo perdeu na casa diante do Unión B e o Puebla non puido pasar do empate no campo do Xuño.

No tocante ás categorías inferiores hai que destacar o meritorio empate acadado polos xuveniles diante do colíder Porto do Son(non poñemos a clasificación xa que na web de El Correo Gallego hai un erro).

Os cadetes apabullaron ó Carreira a domicilio por 0 goles a 7 e na vindeira xornada proclamaranse campións se derrotan en Cabanetán ó Boiro B.

Na primeira autonómica de infantiles as cousas seguen como a semana pasada. Na vindeira fin de semana xogarase o partido clave para a permanencia, xa que o Lesende visita o campo do Conxo B, do cal lle separa soamente 1 punto na clasificación. Soamente nos vale a victoria.

Resolucións da Federación Galega de Fútbol (19-02-08)

2008-02-20T14:26:00.003+01:00

Xa hai data para a disputa dos minutos restantes do partido en Xuño

No tocante á reclamación efectuada por lo Crocha, este é o veredicto:

Pinchar nas imaxes para ve-las ampliadas

Clasificacións

2008-02-18T13:48:00.003+01:00

TERCEIRA AUTONÓMICA

XUVENILES

CADETES

INFANTILES

Ca victoria de onte e graciás á axudiña que nos prestou o Cruído gañando na casa do Puebla, agora hai un triple empate a 52 puntos na loita pola segunda posición. A vindeira xornada, na que o Lesende descansa, ten como alicientes 2 partidos entre equipos da zona alta: o Crocha recibe ó Aguiño e o Xuño recibe ó Puebla. Todo o que non sexa a victoria dos equipos pobrenses sería ben recibido.

No tocante ás categorías inferiores case todo son resultados positivos:

*Os xuveniles impuxéronse a domicilio na casa do Taragoña, por 1 gol a 3.

*Os cadetes deixaron practicamente sentenciado o campionato tras impoñerse ó Atlético Oleiros, segundo clasificado, por un contundente 5-0.

* Os infantiles, como era de esperar xa que agora tocalles xogar cos equipos da zona alta, perderon o seu partido. A boa noticia é que o Conxo B, rival na loita pola permanencia tamén perdeu.

Lesende - Artes

2008-02-17T19:07:00.002+01:00

Con moita dificultade logrou o Lesende sacar os 3 puntos no partido contra o Artes, gracias a un gol de Alberto Rial no tempo de desconto. Foi un partido raro, con inumerables ocasións para o Lesende que non encontraban porta. O Artes so chegou con perigo nun par de xogadas en cada tempo, mentres que o Lesende dispuxo de máis de 20 oportunidades claras de gol, incluidos 2 disparos ó longueiro de Fran e Eloy. O árbitro estivo correcto pero perxudicou ós locais ó non sinalar penalti en alomenos 2 xogadas de Hugo dentro da área.

Como dato negativo cabe destaca-la lesión de Ángel, no seu maltreito xeonllo, o que fai incrementar o número baixas por lesión do equipo lesendista, e que se une ás de Pana, Campos, Casais, Teira e Jorge, ademáis da de Juan Manuel por sanción.

Clasificacións

2008-02-11T13:43:00.000+01:00

TERCEIRA AUTONÓMICA

XUVENILES

CADETES

INFANTILES

Ca victoria de onte, o Lesende recorta 2 puntos con especto ós 2 primeiros clasificados, que empataron o partido que os enfrontaba. Seguimos ocupando a cuarta posición, xa que temos o golaveraxe perdido co Crocha. Precisamente este equipo (como xa acontecera o ano pasado) ante a imposibilidade de gañar no terreo de xogo tenta gañar o partido nos despachos denunciando unha posible aliñación indebida de Siso( o ano pasado tamén denunciaran aliñación indebida do porteiro Pouso). Esperemos que a Federación Galega de Fútbol confirme que ó inicio do partido toda a documentación estaba en regla.

Respecto das categorías inferiores, o partido dos xuveniles foi suspendido, e os cadetes descansaron e agora so contan con 1 punto de vantaxe co Atético Oleiros. Precisamente este equipo visita o vindeiro domingo Cabanetán. Unha victoria local deixaría o título sentenciado.
Os infantiles gañaron o seu partido e agora é cando se botan en falta os 2 puntos perdidos a semana pasada, xa que con eses 2 puntos agora mesmo estariamos fora dos postos de descenso.

Portosín - Lesende

2008-02-10T19:12:00.001+01:00

Con un resultado favorable de 1-3 despachou o Lesende o seu partido na casa do Portosín.
A primeira metade foi de dominio lesendista xa desde o pitido inicial, pois Alberto Rial disparou ó pau cando aínda non se cumpliran os primeiros 15 segundos. Cinco minutos despois Julio adiantou ós conxunto lousamiano ó culminar un pase de Chicho. O Lesende dispuxo de varias ocasións na primeira metade, tanto de Julio como de Alberto Rial, que non atoparon portería. A única chegada dos portosinenses á meta defendida por Siso foi aproveitada por Mara, xogador africano do Portosín, para nivelar o encontro cun espléndido remate de cabeza.

Na segunda metade o dominio foi alterno, con ocasións para os 2 bandos. Julio, coa colaboración do porteiro local, volveu a adiantar ó Lesende con un gran disparo ca esquerda, e pouco despois estrelou un balón no longueiro. Sen embargo, a partires deste gol os locais puxeron cerco á meta lesendista con inumerables ocasións, que foron solventadas por Siso e pola defensa.

Co tempo cumplido, Julio completou o resultado co seu terceiro gol da tarde.

Novo membro da familia lesendista

2008-02-08T14:02:00.000+01:00

Hoxe gustamos de anunciar que chegou ó mundo un novo membro da familia lesendista. Trátase do fillo de Villa, que levará o nome de Lois, e que naceu con case 3,5 kg de peso. Noraboa para Villa e a súa muller Mar.

Carnavais 2008

2008-02-04T21:18:00.000+01:00

TERCEIRA AUTONÓMICA

XUVENILES

CADETES

INFANTILES

Presentábase un partido complicado o de onte, coa visita do Crocha, terceiro clasificado. O partido respondeu ás espectativas e os dous equipos demostraron porque ocupan as posicións altas da clasificación. Con alternativas para os dous bandos, sen embargo as ocasións máis claras na primeira metade foron para o Lesende, pero faltou puntería. Na segunda metade os visitantes dispuxeron de varias ocasións que foron desbaratadas por Siso, porteiro que defenderá a porta lesendista ata fin de temporada debido á sanción de Juan Manuel.
O Lesende adiantouse no marcador mediada a segunda metade, tras un gran disparo de Hugo desde fora da área, que entrou tras bater o balón no longueiro. Sen embargo, a 10 minutos para o final, o árbitro sinalou penalti a prol dos visitantes por mans de Villa dentro da área; penalti moi riguroso pois, aínda que o balón efectivamente golpeou no brazo do central, éste tiñao pegado ó corpo e non houbo voluntariedade na acción. O colexiado lalinense non opinou o mesmo e o Crocha acadou o gol do empate por mediación de Butra.
Con este resultado e ca derrota no partido de ida, o golaverage particular queda favorable ó Crocha.

No tocante ás categorías inferiores, ningún dos 3 equipos coñeceu a derrota.

*Os xuveniles acadaron un meritorio empate en Abanqueiro, tendo en conta que se presentaron con soamente 10 xogadores e cun xogador de campo actuando como porteiro. Pese a adiantarse 3 veces no marcador acabaron empatando a 3 e con 7 xogadores debido a varias expulsións.

*O equipo cadete segue contando os seus partidos por victorias e comandando a clasificación con autoridade.

*O equipo infantil dou un paso atrás, xa que empatou sen goles diante do colista e o seu máis inmediato rival pola permanencia gañou o seu partido, polo que aumentou a distancia entre ámbolos 2 equipos.

Calendario de Febreiro

2008-02-02T11:36:00.000+01:00

Xornada 22 - 03/02/2008

LESENDE C.F. C. LOUSAME vs CROCHA BALOMPE, C.F.

Xornada 23 - 10/02/2008

D. PORTOSIN vs LESENDE C.F. C. LOUSAME

Xornada 24 - 17/02/2008

LESENDE C.F. C. LOUSAME vs C.D. ARTES

Xornada 25 - 24/02/2008

LESENDE C.F. C. LOUSAME descansa

Resolucións definitivas do Xuño- Lesende

2008-01-30T14:53:00.000+01:00

Derradeira xornada de xaneiro

2008-01-28T14:26:00.001+01:00

TERCEIRA AUTONÓMICA

XUVENILES

CADETES

INFANTILES

O Lesende impúxose onte no sempre difícil campo do Cabo de Cruz, por un gol a tres. Alberto Rial foi o gran protagonista ó marcar 2 goles dos chamados psicolóxicos: o primeiro a un minuto para o descanso e o segundo 1 minuto despois da reanudación.
Ós 10 minutos da segunda parte os locais acortaron distancias e Julio, a 10 minutos para o remate do encontro, anotou o gol da tranquilidade.
Destacar a racha goleadora de A. Rial, que leva 4 partidos consecutivos marcando, e nos tres últimos con un doblete en cada un deles.

No tocante ás categorías inferiores, os xuveniles saíron goleados do campo do líder. Os cadetes lograron unha nova victoria a domicilio e os infantiles fixeron o mesmo: derrotaron ó penúltimo por un claro 0-6 e deben aproveitar o vindeiro partido na casa(diante do colista) pra acadar unha nova victoria que os saque dos postos de descenso.

Clasificacións

2008-01-21T21:50:00.000+01:00

TERCEIRA AUTONÓMICA

XUVENILES

CADETES

INFANTILES

*Co pinchazo do Crocha en Portosín adiantamos unha posición, aínda que é unha posición enganosa pois eles xa descansaron e o partido que o Lesende ten suspendido case con toda seguridade rematará con derrota.

*Os xuveniles aproveitaron a visita á casa do colista pra conseguir una cómoda victoria.

*Os cadetes seguen ó seu; desta vez derrotaron ó terceiro clasificado e xa sacan 7 puntos ó Atlético Oleiros, aínda que con 2 partidos máis disputados que os ribeirenses. Senembargo hai que ter en conta que teñen que visitar Cabanetán, e que ós lesendistas podelles valer o empate.

* Os infantiles seguen a perder por goleadas, debido en gran parte a que están a xogar contra os equipos da zona alta. A próxima fin de semana teñen unha gran oportunidade para resarcirense de tanta derrota xa que visitan a casa do penúltimo clasificado.

PD. Como curiosidade, pinchando no primeiro enlace que hai á dereita poderedes ver unha lista detallada dos partidos disputados. Aquí unha mostra dos derradeiros 3 meses e medio que levamos sen coñece-la derrota(en partidos finalizados).

Lesende - Sálvora

2008-01-20T21:46:00.000+01:00

Com moitos apuros solventou o Lesende o partido contra o Sálvora na casa. A pesares de que no minuto 30 o marcador sinalaba un claro 4-1 a prol dos locais(goles de Chicho, Alberto Rial, Hugo e Julio), os visitantes saliron máis enchufados na segunda metade e lograron empatar o encontro e dispuxeron de oportunidades pra porse por diante.
Co 4-2 Julio marrou un gol a portería baleira que podería ser o gol da tranquilidade.
Alberto Rial a 5 minutos do final anotou o gol da victoria.
Resultado final: 5-4

Resolucións momentáneas do Xuño - Lesende

2008-01-19T03:35:00.000+01:00

Pinchar para ver ampliado

Día 13

2008-01-14T23:13:00.000+01:00

TERCEIRA AUTONÓMICA

XUVENILES

CADETES

INFANTILES

Complicanse as cousas logo do partido contra o Xuño. á espera do que decidan na Federación, o partido queda supendido a falta de 10 minutos e con 3-2 favorable ós xuñistas.
O Lesende adiantouse no marcador ós 10 minutos ó culminar Alberto Rial unha boa xogada colectiva. Julio puido aumentar o marcador ó cuarto de hora pero o porteiro desviou o seu disparo ó longueiro. Pouco despois os locais empataron o encontro.

Ó filo na media hora Alberto Rial convirteu maxistralmente unha falta directa, que entrou pola escadra dereita do porteiro. Sen embargo pouco durou a ledicia lesendista xa que 2 minutos despois Eloy, no seu intento de despexar, acabou introducindo o balón na súa propia portería.

Co empate chegouse ó descanso e na segunda metade o dominio e as ocasións corresponderon ós visitantes, que anotaron un gol fantasma por medio de Julio que o árbitro non veu ou non quixo ver dentro, pois o balón traspasou a liña de gol claramente, feito incluso recoñecido a posteriori por varios xogadores do conxunto local.

Os lesendistas continuaron creando ocasións de perigo que non remataban en gol por pouco, pero os xuñistas aproveitaron un contragolpe para plantarse diante de Juan Manuel, que cometeu falta sobre un dianteiro local. Aínda que a xogada rematou en gol, o árbitro decidiu pitar falta e expulsar ó porteiro visitante. Roberto tivo que ocupa-la portería, cousa que os locais aproveitaron para poñerse por diante no marcador nese lanzamento de falta.

A raíz disto viría un enfrentamento entre o adestrador visitante e o colexiado, o que fixo que éste último tomara a decisión de suspende-lo partido.

No tocante ás categorías inferiores cabe destacar unha nova e apabullante victoria do equipo cadete que segue a comanda-la súa clasificación con autoridade.

Partidos de Xaneiro

2008-01-10T14:26:00.000+01:00

Xornada 19 - 13/01/2008

XUÑO SD VS LESENDE C.F. C. LOUSAME

Xornada 20 - 20/01/2008

LESENDE C.F. C. LOUSAME VS SALVORA, C.F.

Xornada 21 - 27/01/2008

VALIÑO, S.D. VS LESENDE C.F. C. LOUSAME

Clasificacións

2008-01-07T13:51:00.001+01:00

TERCEIRA AUTONÓMICA

XUVENILES

CADETES

INFANTILES

Na terceira autonómica os 3 de arriba sacaron os seus partidos adiante e as cousas seguen igual que a semana pasada.
O equipo cadete acadou unha nova victoria e afianzase no liderato tralo empate do seu máis inmediato perseguidor, o Atlético Oleiros, ó que xa saca 4 puntos con 1 partido máis xogado.
O equipo infantil colleitou outra derrota abultada na casa e o equipo xuvenil descansou esta xornada.

Lesende - Cruído

2008-01-06T18:29:00.000+01:00

Como xa avanzabamos na derradeira actualización, as cousas voltaron á normalidade e o Lesende impúxose con absoluta autoridade no derbi lousamiano celebrado hoxe en Cabanetán. Viñan os cruidenses moi motivados tras imporse na pachanga da semana anterior pero saíron de Cabanetán escaldados e cas botellas de champán sen descorchar desta volta.
Un 4-0 que se antoxou curto debido ó xogo de un e outro equipo.
O partido quedou finiquitado á media hora de xogo tras os goles de Alberto Rial, Julio e Hugo. Ó pouco de comeza-la segunda metade Jorge puxo o cuarto gol no taboleiro tras un erro clamoroso do porteiro visitante.

Torneo de Nadal (II)

2007-12-30T16:07:00.000+01:00

Finalmente houbo un pequeno cambio no triangular de onte e os equipos participantes foron os seguintes:

- Veteranos do Lesende C.F. (que acadaron o terceiro posto)
- Lesende C.F. (2ª posición)
- Combinado de xogadores de Noia e Lousame (gañadores do torneo)

Como xa acontecera fai 2 anos, cousa lóxica tras 10 anos consecutivos colleitando unicamente derrotas diante do Lesende en partidos oficiais, o Cruido "reforzouse" para este partido con varios ex-xogadores do Lesende (Nando e Kubala, entre outros) e varios xogadores sen equipo das zonas de Noia e Lousame.

O vindeiro domingo as cousas volverán a ser coma sempre.

Torneo de Nadal

2007-12-28T23:40:00.000+01:00

Mañá sábado disputarase en Cabanetán o tradicional Torneo de Nadal do Concello de Lousame. Nesta ocasión será un triangular entre o Lesende C.F., o A.D. Cruído e os veteranos do Lesende C.F.
O primeiro partido arrancará ás 4 da tarde.

Estadísticas da primeira volta

2007-12-27T12:42:00.000+01:00

Dende o inicio da Liga ata o derradeiro partido da primeira volta(o disputado contra o Bealo), e contando tamén co partido de Copa do Sar, o Lesende disputou un total de 17 encontros cos seguintes resultados:

* Partidos gañados: 12
* Partidos empatados: 3
* Partidos perdidos. 2
- Goles a favor: 40 (2,35 goles por partido)
- Goles en contra: 13 (0,76 goles por partido)

Goleadores:

- Julio--> 8 goles(2 de penalti)
- Fran e Alberto Rial--> 6 goles
- Jorge--> 5 goles
- Ángel--> 3 goles(1 de penalti)
- Bernabé e Dani Campos--> 2 goles
- Chicho, Juanma, Miguel, A. Teira, Adrián e Hugo--> 1 gol

Os 2 goles que faltan foron anotados en propia porta polos porteiros do Crocha e do Nebra respectivamente.

A destacar que o Lesende é o conxunto menos batido do grupo 7 da Terceira Autonómica, e que case a totalidade dos 13 goles foron encaixados en xogadas a balón parado(corners, faltas, penaltis e saques de banda)

Clasificacións. Así remata o 2007

2007-12-24T10:41:00.001+01:00

TERCEIRA AUTONÓMICA

XUVENILES

CADETES

INFANTILES

Imaxes sacadas da web de El Correo Gallego

Ca victoria de onte, as cousas apretanse máis na cabeza da clasificación e xa estamos a 3 puntos no novo líder.

Os equipos xuvenil e infantil descansaron esta xornada.

En canto ó equipo cadete, novamente aplastaron ó seu rival ó gañar a domicilio por un claro 0-10. Ademáis o seu principal rival para o título pinchou e so puido arrancar un empate.

Caeu o líder, outra vez!!!

2007-12-23T21:29:00.001+01:00

Chegaba o Bealo a Cabanetán coa condición de líder e cunha xeira de 5 victorias consecutivas, as mesmas que o Lesende que aumentou a conta ata 6. Os locais venceron por un solitario gol a cero, anotado por Jorge a 5 minutos para o final do partido ó rematar un medido pase da morte de Hugo.

Os lousamianos desperdiciaron incontables ocasións de gol, sobre todo de Julio e sufriron a expulsión de Dani Campos ós 5 minutos da segunda parte por doble cartón amarelo. Como xa acontecera no partido contra o Sálvora unha acción infantil súa deixou ó equipo en inferioridade numérica durante bastantes minutos.

Afortunadamente o Lesende foi capaz de superar ese contratempo e sacar adiante o partido.

Os vestiarios do campo de Lesende serán obxecto dunhas reparacións para emendar problemas

2007-12-20T22:59:00.000+01:00

O mandatario municipal de Lousame, Santiago Freire Abeijón, comentou onte que desde o Concello estanse acometendo unha serie de arranxos nas instalacións do campo de fútbol de Cabanetán, na parroquia de Lesende, para solucionar uns problemas detectados, como os fallos na subministración de auga quente ás duchas dos vestiarios.

Por parte da directiva do clube desa localidade déuselle traslado ao executivo local desas deficiencias.

O rexedor indicou que os operarios comprobaron que había un fallo na bomba que repercutía no funcionamento do quentador.

Freire Abeijón asegurou que o problema da falta de auga quente xa quedou resolto, aínda que agregou que os traballos no campo de fútbol de Lesende aínda non finalizaron, entre outros motivos porque están instalando un segundo circuíto por se falla o primeiro.

As instalacións son utilizadas de forma frecuente por numerosos xogadores de diferentes categorías.

La Voz de Galicia

Clasificacións a 17 de decembro

2007-12-17T13:46:00.001+01:00

TERCEIRA AUTONÓMICA

XUVENILES

CADETES

INFANTILES

5ª victoria consecutiva

2007-12-16T19:11:00.001+01:00

Esta tarde o Lesende acadou en Rianxo a quinta victoria consecutiva en Liga, que serían 6 contando o partido de Copa do Sar. Impúxose por 0 goles a 2 a un Unión de Asados que se empregou con bastante dureza no xogo. Os goles foron anotados na segunda metade por Hugo(procedente do Noia C.F. e que debutaba hoxe) e por Alberto Rial(éste xa no tempo de desconto).

Cabe destacar o partidazo da defensa lesendista, que hoxe estivo formada por Juan Manuel na portería(fixo 2 paradas impresionantes nas únicas ocasións dos unionenses), Villa e Juanma como centrais(impecables ambos) e Pana e Eloy como laterais(este último estivo a piques de marcar dende uns 40 metros pero o balón estrelouse no longueiro).

Os visitantes reclamaron alomenos 3 penaltis claros que non foron observados polo árbitro e volveron a desperdiciar numerosas ocasións claras de gol, sobre todo por Julio que non tivo unha tarde afortunada.

Como nota negativa, Felipe tivo que abandoar o terreo de xogo ós 10 minutos da pimeira parte ó sufrir un golpe fortísimo na man dereita logo dun empurrón dun contrario, e tivo que desplazarse ata Santiago pra realizar unhas placas, nas que se lle observou unha rotura do óso escafoides e pola cal lle puxeron unha férula pra inmoviliza-la zona danada. Dende aquí desexamoslle unha pronta recuperación.

Clasificacións a 10 de decembro

2007-12-10T13:51:00.001+01:00

TERCEIRA AUTONÓMICA

XUVENILES

CADETES

INFANTILES

Victoria sufrida

2007-12-09T18:53:00.000+01:00

Importantísima e moi sufrida victoria esta tarde en Cabanetán diante do Cures.

A pesares de que o partido se puxo de cara para o equipo local, que se adiantou no marcador ó pouco e comeza-lo encontro gracias a un gol de Alberto Rial, as cousas cambiaron pouco despois, cando o xogador máis perigoso do Cures, Albertín, empatou o encontro ó anotar de volea tras facerlle un sombreiro a Bernabé dentro da área. E antes de chegar ó descanso o Cures deulle á volta ó marcador ó aproveitar o enésimo erro defensivo da temporada tras un saque de banda. Hai que decir que Roberto, que tuvo que xogar inesperadamente como porteiro, non puido facer nada en ningún dos 2 goles. Antes diso, tanto Alberto como Julio desperdiciaron varias ocasións claras.

Sen embargo, logo do descanso o Lesende saiu máis enchufado e ós 5 minutos da reanudación Julio, de penalti empatou o encontro. E a 5 minutos para o final, unha xogada iniciada por Miguel e na que tamén participaron Jorge e Alberto fianalizouna Adrián(que acababa de entrar) ó culminar un pase de Chicho.

Bo inicio na Copa

2007-12-06T20:48:00.000+01:00

Esta tarde o Lesende impúxose claramente ó Luou por 3 goles a cero, resultado moi curto tendo en conta as ocasións desperdiciadas polos locais, sobre todo na segunda metade.

Marcaron Jorge, por partida dobre, e Alberto Rial. O partido de volta xogarase ó remata-la liga.

Copa do Sar

2007-12-04T20:34:00.000+01:00

Como xa anunciabamos no mes de setembro, este xoves o Lesende disputa o partido de ida da segunda ronda da Copa do Sar. Inicialmente dito partido ía a disputarse no campo do noso rival, o Luou, pero finalmente celebrarase en Cabanetán por mor duns actos vandálicos que o equipo rival sufriu no seu campo. O partido comezará as catro da tarde.

Clasificacións da Xornada

2007-12-03T14:22:00.000+01:00

TERCEIRA AUTONÓMICA

XUVENILES

CADETES

INFANTILES

Caeu o líder!

2007-12-02T20:29:00.000+01:00

Primeira derrota da temporada para o (ata esta xornada) líder da clasificación: O Puebla.

O Lesende C,F. impúxose esta tarde no campo da Alta por cero goles a un, tanto anotado polo enrachado Julio. Con esta victoria lesendista apretanse un pouco máis os postos altos da clasificación.

Calendario do mes de decembro

2007-11-29T22:28:00.000+01:00

Xornada 14 - 02/12/2007

PUEBLA C.F. vs LESENDE C.F. C. LOUSAME

Xornada 15 - 09/12/2007

LESENDE C.F. C. LOUSAME vs CURES, S.D.

Xornada 16 - 16/12/2007

C.D. UNION B vs LESENDE C.F. C. LOUSAME

Xornada 17 - 23/12/2007

LESENDE C.F. C. LOUSAME vs C.D. GALICIA-BEALO

Pleno de victorias

2007-11-26T13:50:00.000+01:00

Imaxes sacadas da web de El Correo Gallego

Ca victoria de onte, o Lesende C.F. ascende ata o cuarto posto da clasificación. O equipo cadete segue imparable e impúxose con total autoridade na casa do Porto do Son, que ocupaba a segunda posición, por cero goles a seis. O equipo infantil acadou unha victoria importantísima na casa diante do Compostela, mentres que o equipo xuvenil descansou esta xornada.

Nova victoria pra despedir novembro

2007-11-25T21:08:00.000+01:00

Esta tarde o Lesende impúxose de maneira clara en Cabanetán ó Olveira por 4 goles a 1.

Non comezaron ben as cousas pois un despiste defensivo fixo que o Olveira se adiantase no marcador ó pouco de comeza-lo encontro. Sen embargo, pouco despois Julio puxo o empate tras anotar dende o punto de penalti. Tamén Julio, tras un gran pase de Ángel anotou o segundo gol escasos minutos despois e un pouco antes do remate da primeira metade Fran anotou o terceiro.

Chegando ó final do encontro novamente Julio acadou o seu terceiro tanto da tarde ó rematar un pase de Campos.

Reultado curto xa que cabe destacar a gran cantidade de oportunidades desperdiciadas polos locais; Teira e Miguel toparonse co pau e tanto Alberto como Julio fallaron varios man a man diante do porteiro visitante.

Clasificacións a 19 de Novembro

2007-11-19T08:43:00.001+01:00

Imaxes sacadas da web de El Correo Gallego

Cara e cruz para os equipos lesendistas. Victorias contundentes para os equipos senior e cadete e derrotas para os equipos xuvenil e infantil.

Baroña - Lesende

2007-11-18T20:55:00.000+01:00

Nova victoria a domicilio, por 0 goles a 3, no campo do colista. Partido complicado, con moitas imprecisións que provocaron que os locais dispuxeran de varias oportunidades claras diante do porteiro, que foron solventadas por Juan Manuel ou non encontraron portería.

A primeira metade acabou con victoria mínima lesendista, gracias a un tanto de Miguel ó rematar un saque de falta. Nos derradeiros 10 minutos Teira e Fran completaron o marcador.

Clasificacións a 12 de Novembro

2007-11-12T20:40:00.000+01:00

Imaxes sacadas da web de El Correo Gallego

Cabe destaca-la goleada a domicilio lograda polos cadetes, que comandan incontestablemente a clasificación.

Unha mágoa que o equipo senior non fora capaz de sacar máis que un punto onte, pois os resultados da xornada foron moi favorables debido ó gran número de empates sumados polos equipos da zona alta da táboa.

10 puntos de 12

2007-11-11T23:43:00.000+01:00

Fin de semana positivo para os equipos lesendistas que case conseguen o pleno de victorias, a excepción do equipo senior que deixou escapar 2 puntos na casa diante do Aguiño.

O conxunto ribeirense practicamente só disparou con perigo entre os tres paus na ocasión da primeira metade na que conseguiron o 0-1, que, como xa pasara diante do Crocha, volveu a vir tras un saque de banda. Poucos minutos despois Campos puxo o 1-1 definitivo no marcador.

Sen embargo moito antes diso as cousas puideron poñerse bastante máis favorables para o equipo lesendista xa que o mesmo Campos estrelou un balón na cruceta e tanto Ángel como Julio non superon aproveitar unha ocasión inmellorable pra adiantarse no marcador: o primeiro fallou un penalti e o segundo non supo definir no rechace estrelando o balón no corpo do porteiro.

Na segunda metade Miguel dispuxo doutra clarisima ocasión pero no man a man disparou moi desviado por riba da portería.

A vindeira semana saída moi favorable na que non debería de haber problemas en acada-los 3 puntos en xogo.

Charla sobre «Nutrición deportiva» en Lesende

2007-11-07T23:48:00.000+01:00

Charla sobre «Nutrición deportiva» en Lesende

Laureano Domínguez, docente e profesional da nutrición, é o encargado de imparti-la charla informativa que, baixo o título de Nutrición deportiva , desenrolarase mañá, a partires das 19.00 horas, no local social de Cabanetán (Lesende).

A charla, que en definitiva versará sobre a importancia da alimentación tanto na vida cotiá como no deporte, está dirixida ós rapaces e rapazas que son alumnos da Escola Municipal de Fútbol Concello de Lousame/Lesende, pero tamén está aberta a calquer persoa interesada nesta temática.

O departamento de Deportes de Lousame, organizador do acto, mostrou o seu agradecemento ó IES Pobra do Caramiñal pola súa colaboración ó facilita-lo nome do docente.

La Voz de Galicia

Espectacular inicio de Liga do equipo cadete

2007-11-05T23:44:00.001+01:00

Imaxes sacadas da web de El Correo Gallego

Non puido comezar de mellor xeito a temporada para o equipo cadete. Acadaron o liderato despois de impoñerse con absoluta autoridade ó Unión de Rianxo por un aplastante 10 a 0.

No tocante ó resto das categorías inferiores non houbo tanta sorte: Os equipos xuvenil e infantil sucumbiron a domicilio e ambos son cuartos pola cola das súas respectivas clasificacións.

Victoria doada

2007-11-04T22:24:00.000+01:00

0-5. Ese foi o resultado acadado en Nebra diante do, posiblemente, peor equipo da categoría. Marcaron, na primeira parte, Bernabé (de falta directa dende o centro do campo que se comeu o porteiro), Juanma, Fran e o porteiro local en propia meta. Na segunda metade Alberto Rial completou o marcador.

Calendario do mes de Novembro

2007-11-01T23:46:00.000+01:00

3ª Rexional:

Xornada 10 - 04/11/2007

NEBRA C.F.

LESENDE C.F. C. LOUSAME

Xornada 11 - 11/11/2007

LESENDE C.F. C. LOUSAME

S.D. XUVENTU AGUIÑO

Xornada 12 - 18/11/2007

BAROÑA, C.F.

LESENDE C.F. C. LOUSAME

Xornada 13 - 25/11/2007

LESENDE C.F. C. LOUSAME

OLVEIRA C.F.

Victoria pra despedi-lo mes de Outubro

2007-10-30T14:44:00.000+01:00

Imaxes sacadas da web de El Correo Gallego

O Lesende C. F. impúxose o domingo pasado ó Queiruga en Cabanetán por dous tantos a cero, goles de Fran na primeira parte, ó rematar de cabeza un centro de Jorge, e de Angelito a 10 minutos para o final. Foi expulsado Miguel por doble cartón amarelo.

O equipo xuvenil voltou perder, esta vez na casa,diante do Abanqueiro. Outro tanto lle sucedeu ó equipo infantil, diante do La Salle.

Xornada nefasta para as categorías inferiores

2007-10-25T23:30:00.000+02:00

Imaxes sacadas da web de El Correo Gallego

Esta semana ó Lesende senior tocoulle descansar, cousa que aproveitou para xogar un amigable o sábado fronte o equipo de veteranos. O encontro finalizou co resultado de 6 a 1.
O vindeiro domingo recibiremos ó Queiruga.

O equipo xuvenil, que viña de gañar por 6-0 na primeira xornada, perdeu a condición de líder do campionato ó sucumbir en Oleiros por un claro 5-0.

No tocante ós infantiles, cortouse a xeira victoriosa, ó perder no campo do Cordeiro por 3 goles a 1. A vindeira xornada reciben ó La Salle, colíder do grupo.

Tropezo en Artes

2007-10-18T23:02:00.000+02:00

O pasado domingo o Lesende C.F. acadou soamente un punto na súa visita ó campo do Artes. Non comezaron ben as cousas pois soamente levaban transcorridos 5 minutos de xogo cando Villa tivo que abandoa-lo campo debido a un corte na cabeza polo que sangraba abundantemente , producto dun choque ca cabeza dun contrario. Debido a isto, precisou de atención médica no Hospital da Barbanza, onde lle puxeron 3 puntos de sutura.

Chegando á metade do primeiro tempo, o Artes adiantouse no marcador ó aproveitar unha indecisión defensiva entre Juan Manuel e os centrais. Co 1 a 0 chegouse ó final dos primeiros 45 minutos.

Na segunda parte o Lesende saiu con outra mentalidade e ós 10 minutos logrou o tanto da igualada gracias a Alberto Rial, ó aproveitar un rexeite.

Sen embargo, as cousas torceronse coa expulsión de Bernabé ó ver o segundo cartón amarelo logo dunha entrada. O Artes apenas creaba perigo de cara á portería lesendista, pero estaba sobrado de dureza no xogo. Isto propiciou que o árbitro igualara o número de xogadores dos 2 bandos logo de que un xogador do Artes fora expulsado con vermello directo tras unha entrada por detrás e sen opción de xogar o balón ó nocello dereito de Jorge.

Pouco despois, e co Lesende dominando, unha xogada sen aparente perigo rematou cun penalti máis que riguroso, por non decir inexistente, a prol do Artes. Juan Manuel chegou a desviar o lanzamento pero non foi quen de detelo.

Novamente os xogadores do Artes volveron a sacar a súa dureza a relucir, cando un xogador sacou o codo impactando novamente na cara de Jorge. Desta vez o árbitro non quixo complicarse con outra expulsión, que era merecida.

A pouco para o remate do encontro, o colexiado sinalou outro penalti igual de dubidoso que o primeiro, pero esta vez a prol do Lesende. Angelito non fallou e puxo a igualada no marcador. O mesmo Angelito dispuxo pouco despois dunha nova oportunidade para marcar, pero o seu disparo de volea saiu lixeiramente desviado.

Esta xornada toca descanso, o que se vai aproveitar para a disputa dun amigable contra a sección de veteranos do Lesende, o sábado as 7 da tarde.

Noutra orde de cousas, o equipo infantil acadou unha nova victoria, moi sufrida, e xa vai pouco a pouco escalando postos na clasificación e alonxándose na zona de descenso.

Nota. imaxes sacadas da web de El Correo Gallego

Bos resultados dos equipos lesendistas nesta fin de semana

2007-10-08T14:23:00.001+02:00

Tanto o equipo senior como o equipo infantil aproveitaron o feito de xogaren na casa perante equipos da zona baixa das respectivas clasificacións para lograr abultadas victorias.
O equipo infantil terá o vindeiro fin de semana unha nova oportunidade para volver a golear, xa que recibe en Cabanetán ó colista do seu grupo.

Lesende C.F. - C.D. Portosín

2007-10-07T19:54:00.000+02:00

O Lesende impúxose esta tarde en Cabanetán ó Portosín por 5 goles a cero. A pesares do que poida reflexar o marcador, as cousas non foron doadas pois os goles non chegaron ata ben avanzada a segunda metade.

O partido comezou co debut esta temporada de Alberto Tubío na portería local, mentres que o Portosín chegou ó campo soamente con 12 xogadores. A primeira ocasión clara foi para Chicho que, por 2 veces(un intento de vaselina e un remate de cabeza que saiu por riba do longueiro) non foi capaz de batir ó porteiro visitante. Poucos minutos despois Julio tampouco foi capaz de batir ó porteiro noutro man a man. Os visitantes tuveron unha ocasión moi clara para poñerse por diante, nun balón que Alberto T. non foi capaz de atrapar e que caeu ós pés dun xogador do Portosín que acabou rematando fora. As ocasións para o Lesende sucedíanse pero non había acerto de cara ó gol.

Co cero a cero inicial chegouse ó final dos primeiros 45 minutos. Na segunda parte entrou Ángel en sustitucion de Manu, pero non sería ata a entrada de Jorge(que tamén debutaba hoxe), no minuto 15 da segunda parte, cando as cousas se puxeron a favor para os locais. Nunha boa xogada trenzada, Alberto Rial asisteu a Ángel pra que inaugurara o marcador. Poucos minutos despois Julio puxo o 2-0 e o Portosín quedouse con 10 pola expulsión dun xogador por protestar. Jorge, tras regatear ó porteiro anotou o terceiro gol, Alberto Rial meteu o cuarto, tamén tras irse do porteiro e Jorge novamente marcou o quinto e definitivo ó rematar un pase de Pablo dende a liña de fondo.

A expulsión dun xogador, a ausencia de cambios no banquillo e a peor condición física do Portosín influiron decisivamente no feito de que en 20 minutos encaixaran 5 goles, que puideron ser máis se tanto Julio como Alberto Rial estiveran un pouco máis acertados de cara á portería.

Co gol anotado hoxe, Julio convirteuse no pichichi do equipo con 3 goles, seguido de Jorge e Fran con 2. Alberto Rial, Bernabé, Chicho e Campos teñen 1 cada un. Outro gol foi anotado en propia meta polo porteiro do Crocha.

Inaugurado o campo de Cabanetán

2007-10-06T21:54:00.000+02:00

Inaugurado o campo de Cabanetán

O presidente da Deputación de A Coruña, Salvador Fernández Moreda, acompañado do alcalde de Lousame, Santiago Freire Abeijón, inaugurou onte as obras do campo de fútbol de Cabanetán, nas que o organismo provincial invirteu un total de 622.000 euros, dos que 330.000 se destinaron á dotación de herba artificial.

El Correo Gallego

Nova derrota dos infantiles

2007-10-04T21:58:00.000+02:00

Tereceiro partido e terceira derrota do equipo infantil perante un rival complicado. A vindeira xornada recibiremos na casa ó penúltimo clasificado. Boa ocasión pra inaugura-lo casilleiro de victorias e escalar postos na clasificación.

Partidos do mes de outubro

2007-10-04T21:32:00.000+02:00

Xornada 6 - 07/10/2007

LESENDE C.F. C. LOUSAME

D. PORTOSIN

Xornada 7 - 14/10/2007

C.D. ARTES

LESENDE C.F. C. LOUSAME

Xornada 8 - 21/10/2007

LESENDE C.F. C. LOUSAME Descansa

Xornada 9 - 28/10/2007

LESENDE C.F. C. LOUSAME

U.D.QUEIRUGA

A priori, calquera cousa que non sexa acada-los 9 puntos en disputa neste mes de outubro será un novo tropezo nas aspiracións de chegar ós postos máis altos da clasificación, xa que contamos con 2 partidos na casa ante rivais que este ano non marchan moi ben na Liga e unha visita a Artes, un equipo moi irregular.

Segunda derrota consecutiva

2007-10-02T14:02:00.000+02:00

Este pasado domingo, o Lesende veu de sufri-la súa segunda derrota da tempada(e 2º consecutiva) na Pobra do Caramiñal perante o Crocha. Contaba cas baixas de última hora de Juan manuel na portería e de Fran no ataque.

As cousas puxeronse de cara para o Lesende tras adiantarse no marcador no primeiro cuarto de hora, gracias a un libre directo lanzado por Miguel que o porteiro local despexou de puños cara arriba e que, nun segundo intento de despexe, acabou por introduci-lo balón na súa propia portería.

Poucos minutos despois, un erro da defensa local propiciou que Julio se quedara só diante do porteiro, pero non foi capaz de definir e o balón saiu preto do poste esquerdo.

Sen embargo, a partires de ahi o dominiu correspondeu ó Crocha que nunha xogada embarullada dentro da área conseguiu o gol do empate tras un remate de cabeza. E poucos minutos despois deulle a volta ó marcador tras un calamoroso error defensivo do Lesende, pois o dianteiro local recibiu un balón na área pequena tras un saque de banda.

Co 2 a 1 favorable ós locais chegouse ó descanso. Na segunda parte o Lesende saltou ó campo con catro xogadores de recambio, pero as cousas non cambiaron. Outro incomprensible erro da defensa permitiu que un xogador local rematara completamente só dentro da área, tras recibir un balón de saque de banda que previamente botou no campo e sobrepasou ós centrais lesendistas.

Julio anotou o segundo tanto de Lesende dende os 11 metros, logo de que Alberto Rial(que entrou no descanso) fose derrubado dentro da área.

Sen embargo de pouco serviu, xa que unha falta canto menos dubidosa ó borde da área lesendista serviu para que o nº 7 local anotara o seu terceiro gol do partido, tras pegar o balón no longueiro.

A próxima xornada recibiremos ó Portosín, que ven de puntuar esta xornada.

Xa se coñecen os enfrontamentos da Copa do Sar

2007-09-30T19:51:00.000+02:00

Xa se coñecen os enfrontamentos da Copa do Sar. O Lesende C.F. queda exento da primeira ronda, que se disputará a ida e volta os días 12 de outubro e 1 de novembro.

O rival na segunda ronda será o Luou. O partido de ida disputarase o 6 de decembro, e o de volta non se xogará ata que finalicen os campeonatos ligueiros de Segunda e Terceira Autonómica, previstos para a última semana de abril.

Pese ó adelantamiento dunha eliminatoria (a previa) e media de outra (a segunda), o torneo non concluirá ata principios do mes de xullo, como xa ven sendo habitual.

Reclamación do Xuño S.D.

2007-09-28T23:47:00.001+02:00

Parece ser que o Xuño S.D. reclamou pola totalidade dos xogadores do Lesende C.F. que estaban en acta no partido que enfrontou a ambos clubes, na segunda xornada.

Isto provoca que agora mesmo o Lesende C.F. non poida presentar ningunha nova ficha ata que se resolva dita reclamación, e que varios xogadores non poidan ser convocados para o vindeiro domingo.

Naturalmente dita reclamación está feita en balde, pois a totalidade das licencias federativas do Lesende C.F. estaban en regla, e isto non ven sendo senón un intento van e ruín de acadar nos despachos os puntos que o equipo sonense non foi quen de acadar no campo de xogo. Unha actitude típica de dito equipo, que soe facer varias veces por temporada e que non ven máis que a demostrar unha vez máis a pouca categoría do Xuño S.D. e da súa directiva.

Igual ata cren que van a acadar o ascenso....

Que sigan soñando

Mal inicio do Lesende infantil

2007-09-28T23:39:00.000+02:00

Os infantís do Lesende non empezaron con bo pé a súa segunda temporada no Grupo 3º da Primeira Autonómica, pois encaixaron dúas severas goleadas e agora mesmo ocupan a derradeira posición na táboa clasificatoria.

Para colmo de males na vindeira xornada desprazaranse a Lalín para enfrontarse co segundo clasificado.

Última hora da Copa do Sar

2007-09-28T14:31:00.000+02:00

A Copa do Sar contará este ano con equipos de bastante nivel e con algunhas ausencias significativas:

-De Preferente Autonómica, ata onte había dous clubes anotados: Flavia e Dubra.
-De Primera Autonómica formalizaron a súa inscripción o Atlético Ribeira, 33 anos despois da súa derradeira participación no torneo (no ano 1974), o Deportivo Unión (Rianxo), Calo, Silleda e Cidade de Santiago B.
-Da zona barbanzana, a 24 horas do sorteo, sete equipos xa comunicaron a súa renuncia: Sálvora, Olveira, Cruído e Queiruga, en Terceira Autonómica, na que tampouco estarán Dozón, Bandeira e Don Ramiro. E Carreira, Palmeira e Porto do Son en Segunda, na que tamén Agrón e Amio confirmaron a súa ausencia.

Se non se producen máis baixas antes do sorteo, a competición establecerá un novo récord histórico na edición 2007/08.

A intención da delegación santiaguesa de fútbol é que o primeiro encontro da ronda inaugural teña lugar o próximo día 12 de outubro (venres). Si de acordo coa vontade inicial, tódalas eliminatorias se poden disputar a ida e volta, o segundo asalto xogaríase o 1 de novembro. (xoves).

Xornada 4

2007-09-24T14:34:00.001+02:00

Primeira derrota en Liga

2007-09-24T00:19:00.000+02:00

Esta tarde, o Lesende ven de sufri-la primeira derrota da temporada, na casa, ante o Cabo de Cruz.

O equipo boirense non acusou o cansancio de ter que disputar onte pola mañá un partido aprazado en Portosín (impúxose por 2-4) nin a intensa calor e logrou impoñerse por 1 gol a 2.

Na primeira parte o dominador claro foi o Lesende pero volveu a sufrir (unha vez máis) unha preocupante falta de acerto cara a portería contraria. Malograronse ocasións claras durante a primeira media hora, á que se puido chegar cun marcador favorable de 2 ou 3 goles. A partires de ahí o Cabo de Cruz trenzou una serie de xogadas de perigo, e incluso estrelou 2 balóns nos paus nuha delas.

Cando faltaba pouco para remata-los primeiros 45 minutos, unha boa xogada entre os mediocampistas locais finalizou cun pase atrás que Fran (coa axuda dun defensor) aproveitou para poñe-lo 1-0 no marcador.

Na segunda parte cambiaron as tornas e o Cabo de Cruz colleu as rendas do partido. A inseguridade defensiva do Lesende propiciou que, en 2 xogadas a balón parado, os crucenses deranlle a volta ó marcador.

O Lesende dispuxo aínda de varias ocasións para marcar, sobre todo un libre directo que Alberto Rial estrelou na cruceta dereita da portería e un remate de A. Teira que o porteiro sacou da mesma escuadra cando xa se cantaba o empate.

A vindeira xornada toca unha saída moi complicada. No campo da Alta, na Pobra do Caramiñal, contra o Crocha.

Clasificación Xornada 3

2007-09-17T13:51:00.001+02:00

Pinchar para ver a imaxe ampliada

Nova victoria a domicilio

2007-09-16T22:12:00.000+02:00

O Lesende volveu a impoñerse a domicilio. Esta vez en Aguiño, contra o Sálvora, e por idéntico resultado que na primeira xornada: 0 goles a 2.

A primeira parte rematou con victoria lesendista por un tanto a cero, gol de Chicho ca zurda dende fora da área. Na segunda metade Dani Campos puxo o 0-2 definitivo a pase de Julio ó culminar unha contra.

Sorteo da Copa do Sar

2007-09-12T14:37:00.000+02:00

O sorteo da Copa do Sar terá lugar o vindeiro día 28 en Santiago.

A delegación santiaguesa de fútbol xa fixou a data para celebra-lo sorteo da 41ª edición da Copa do Sar de fútbol afeccionado. Terá lugar o vindeiro día 28 na sede da citada delegación, a partires das 20.30 horas.

Os clubes de Segunda e Terceira Autonómica quedan inscritos automáticamente. Os que queiran renunciar tamén terán que facelo saber mediante un comunicado que haberá de chegar ós dirixentes da delegación antes do citado día 28.

Primeiro tropezo na casa

2007-09-10T21:29:00.000+02:00

A pesares de ir dominando o marcador en gran parte do encontro, a falta de acerto cara a portería rival e un fallo defensivo a piques de remata-lo partido, fixeron que o encontro de onte rematara en táboas. Empate a 1 de resultado final, gol de Bernabé.

Lesende - Xuño

2007-09-08T18:02:00.000+02:00

Mañá domingo, o Lesende afronta un debut complicado como local en liga no céspede artificial de Cabanetán.
Numerosas baixas (xa confirmadas as de Campos, Jorge, A. Teira, Eloy e as máis que probables de Villa, Miguel, Álex e Angelito), unidas ás numerosas festas(con todo o que iso conleva) que hai pola redonda, fan que o Lesende non parta como claro favorito a pesares de xogar na casa.

Resultados da primeira xornada

2007-09-06T13:57:00.000+02:00

O Lesende e o X. Aguiño, únicos que puntuaron fora. (pinchar na imaxe para ve-la ampliada)

NOTA: imaxe sacada da web de El Correo Gallego

Plantel 2007-2008

2007-09-05T13:47:00.000+02:00

A pasada semana quedou configurado o plantel que disputará a liga esta tempada.

Causaron baixa con respecto ó ano pasado: Pouso(Mazaricos), Jrilo (Ribeira), Jose, Manolo, Caamaño, Nando, Álvaro e Germán.
As altas para este ano son as seguintes: Felipe e Adrián(Portosín), Julio(Ribeira), A. Teira, Manubrio e Bernabé(Cruído), Fran (Noia Xuvenil), Miguel (Ribeira-Carreira Xuvenil), Pablo (Lesende Xuvenil),Casais e Eloy.

O plantel queda da seguinte maneira:

Porteiro: Juan Manuel
Defensas: Chicho, Pana, Juanma, Bernabé, Miguel, Villa, E. Teira, Pablo, Roberto
Centrocampistas: Álex, Angelito, Casais, Campos, Manubrio, Eloy, Felipe, Adrián, A. Teira
Dianteiros: Alberto Rial, Julio, Fran e Jorge

O derbi cae un ano máis para o bando lesendista

2007-09-02T19:24:00.000+02:00

Como ven sendo habitual, polo menos nos derradeiros 8 anos, cada partido de máxima rivalidade entre os dous representantes do Concello de Lousame finaliza cun resultado favorable para o Lesende C.F.

Nunha tarde moi calurosa, O Lesende C.F. impúxose a domicilio ó Cruído por 0-2, goles anotados na primeira parte por Fran e Julio. Primeira xornada e primeiros 3 puntos.
O equipo inicial estivo formado por Juan Manuel, Juanma, Miguel, Bernabé, E. Teira, Felipe, Campos, Alberto Rial, Casais, Fran e Julio. Tamén xogaron, Manu, Ángel, Pana e Chicho.

O vindeiro domingo toca recibir ó Xuño.

Complicado mes de Setembro

2007-09-01T22:13:00.000+02:00

A priori parecen complicados os partidos a disputar neste mes de setembro:

Xornada 1 - 02/09/2007

A.D.CRUIDO

LESENDE C.F. C. LOUSAME

Xornada 2 - 09/09/2007

LESENDE C.F. C. LOUSAME

XUÑO SD

Xornada 3 - 16/09/2007

SALVORA, C.F.

LESENDE C.F. C. LOUSAME

Xornada 4 - 23/09/2007

LESENDE C.F. C. LOUSAME

VALIÑO, S.D.

Xornada 5 - 30/09/2007

CROCHA BALOMPE, C.F.

LESENDE C.F. C. LOUSAME

Fin de pretemporada

2007-08-26T22:12:00.001+02:00

O Lesende C.F. deu por finalizada a pretemporada enfrontandose en Cabanetán á S.D. Esteirana. Gañaron os de Esteiro por 2 goles a 3.

O vindeiro domingo comezará a Liga, cun apaixoante derbi en Cruído.

Infantís

2007-08-24T12:58:00.000+02:00

O sorteo realizado onte na Federación Galega de Fútbol deparou os primeiros enfrentamentos na categoría infantil. A competición arrancará o 15 de setembro.

O Lesende seguirá outro ano máis encadrado na Primera Autonómica, grupo 3, e na primeira xornada visitará o campo do Villestro, un rival complicado xa que acadou o subcampeonato a tempada pasada.

Categorías xuvenil e cadete

2007-08-23T15:01:00.001+02:00

Na segunda autonómica xuvenil, no grupo sexto, que dará comezo o 13 de outubro, o sorteo deparou os seguintes enfrentamentos: Cabo de Cruz-Palmeira; Sporting Lampón-Nebra; Artes-Xuventude Aguiño; Lesende-Xuño; Porto do Son-Atlético Oleiros; e Taragoña-Abanqueiro, descansa o Puebla.

Os cadetes da segunda autonómica, que comezarán a temporada o 4 de novembro, enfrentaranse na primeira xornada en Cabanetán contra o Unión de Asados.

O resto de equipos teñen os seguintes enfrentamentos: ; Boiro B-Abanqueiro; Carreira-Puebla; Atlético Oleiros-Porto do Son; e Taragoña-Ribeira.